|
Babbu'e su Paradisu
Babbu'e su Paradisu,
Sennore 'e su creau,
sias semper laudau, o Babbu eternu.
De chelu su gubernu
in terra semper siat
sa pache, s'armonia, sa bonidade.
Tottu s'umanidade
guberna a piachere
ca ses s'unicu mere, ses su Sennore.
Su pane chin sudore
dam'oje, e sa salude,
comente sa bertude m'as regalau.
Jà chi m'as perdonau,
fugo sa tentassione,
pro una comunione unibersale.
Libera 'e cada male
su rennu cristianu.
Azùdanos, arcanu onnipotente.
Deus ti salvet Maria
Deus ti salvet, Maria,
chi ses de gratia plena.
De gratias ses sa vena
ei sa currente.
De gratias ses sa vena
ei sa currente.
Su Deus onnipotente
cun tegus est istadu.
Pro chi t'hat preservadu
Immaculada.
Pro chi t'hat preservadu
Immaculada.
Beneitta e laudada,
subra a tottu gloriosa.
Mama, fiza e isposa
de su Segnore.
Mama, fiza e isposa
de su Segnore.
Beneittu su fiore
e fruttu de su sinu.
Gesus, fiore divinu,
Segnore nostru.
Gesus, fiore divinu,
Segnore nostru.
Pregade a Fizu ostru
pro nois peccadores,
chi tottu sos errores
nos perdonet.
Chi tottu sos errores
nos perdonet.
Ei sa gratia nos donet
in vida e in sa morte.
Ei sa diciosa sorte
in Paradisu.
Ei sa diciosa sorte
in Paradisu.
In sa vall'e su dolore
In sa vall'e su dolore
pellegrinos suspiramus,
a tie, Mamma, invocamus,
cun fiducia e cun amore.
Virgine, virgine, reina bella
tottu cunfidant e sperant in tie;
in sas tempestas lughente stella,
mai t'oscures ma brilles pro me.
Tue ses rosa, tue ses lizu,
tue ses fiore profumadu;
Mamma de s'eternu Fizu,
fiza de chi t'hat creadu.
Virgine, virgine, reina bella...
|
